PHATLALATSO EA SEPOLESA EA LA 02/12/2021
Sepolesa sa Morija se etsa tsebiso ka setopo sa monna ea kabang lilemo li lipakeng tsa 25 le 30, ea fumanoeng haufi le motse oa Ha-Phalole tikolohong ea Matsieng ka la 29 Pulungoana 2021.
Ke motho e mosootho ka lebala, ea mokhutšoane. O na le motako (tattoo) o moholo tlhafung ea leoto le letšehali. O fumanoe a apere sekipa se sepinki se mela e mesoeu, a tenne bokate (jean) e ntšo.
Motho ea ka bang le leseli ka motho ea hlalositsoeng o koptjoa ho ikopanya le sepolesa sa mafokisi sa Morija kapa ho letsetsa nomoro e latelang; 27023059.
Re tla leboha thuso ea lona.